Home > Uncategorized > ተመስገን ደሳለኝ “ተከሶ ጉዳዩ በዝግ ችሎት መታየቱን” ከሬድዮ ፋና ሰማ!

ተመስገን ደሳለኝ “ተከሶ ጉዳዩ በዝግ ችሎት መታየቱን” ከሬድዮ ፋና ሰማ!

ተመስገን ደሳለኝ “ተከሶ ጉዳዩ በዝግ ችሎት መታየቱን” ከሬድዮ ፋና ሰማ!

በመጀመሪያም
ትላንት ፍትህ ጋዜጣ በዛሬው ዕለት ልትታተም እንደምትችል አውርቼ ነበር። አዎ አሁንም ልትታተም ትችላለች። በርግጥ ብርሃንና ሰላም ማተሚያ ቤት የፍርድ ቤቱን ትዕዛዝ ከቁብም ሳይቆጥር አሻፈረኝ ብሎ እስከ አሁን ድረስ አላተማትም። ነገር ግን ፍትህ ጋዜጣ “ለፕሬስ አሳታሚዎች ማኅበር” አቤት ብላ ሊቀመንበሩ የሪፖርተር ጋዜጣ ባለቤት አቶ አማረ እና ሌሎች የማህበሩ አባላት ከብርሃንና ሰላም ጋር “ምልጃ” ይዘዋል።

ስለዚህ አሁንም ቢሆን ፍትህ ጋዜጣ የመታተም ተስፋዋ አልተሟጠጠም።

ወደ ዋናው የዜና ርዕሳችን ስንመለስ፤ ተመስገን ደሳለኝ ዛሬ ምሳ እየበላ ሳለ የአትሌቶቻችንን ወሬ ለመስማት ጆሮውን አቆብቅቦ ዜና እየተከታተለ ባለበት  “በዛሬው እለት በከፍተኛው ፍርድ ቤት ሶስተኛ ወንጀል ችሎት ክስ እንደቀረበበት እና ክሱም በዝግ ችሎት እንደታየ ተከሳሹ ግን በፍርድ ቤት እንዳልተገኘ” ሲዘገብ ሰማ!
ጋዜጠኛ ተመስገን ደሳለኝ ምንም መጥሪያም ሆነ የክስ “ቻርጅ” ሳይሰጠው ፍርድ ቤት ጉዳዩን በዝግ ችሎት አየው መባሉ ክፉኛ እንዳስደነገጠው ነግሮኛል።

የቀረቡበት ክሶችም የሚከተሉት ናቸው፤

1ኛ ወጣቶች በአገሪቱ መንግስትና ህገ መንግስታዊ ስርአቱ ላይ እንዲያምጹ የመገፋፋትና ግዙፍ ያልሆነ የማሰናዳት ተግባር፣
2ኛ የሀገሪቱን መንግስት ስም ማጥፋት እና የሀሰት ውንጀላ እንደሁም
3ኛ የሀሰት ወሬዎችን በማውራት ህዝብን በማነሳሳት ወይም አስተሳሰባቸውን ማናወጥ የሚሉ ናቸው።

የህግ ዕውቀት ያለው ወዳጃችን ዘላለም ማልኮም ክብረት እንደተነተነው ተመስገን በአንደኛው ክስ ከሶስት አመት እስከ ሞት በሁለተኛው ክስ እስከ ስድስት ወር እንዲሁም በሶስተኛው ክስም እስከ ሶሰት አመት የሚደርስ ቅጣት ሊበየንበት እንደሚችል አንቀፅ ጠቅሶ አብራርቶልናል።

እኔ እንደገረመኝ ደግሞ በተለይ “የህብረተሰቡን አስተሳሰብ ማናወጥ” የሚለው ክስ ምንማለት ነው!? ተመስገንም “እነዚህ ሰዎች አጋንንት አደረጉኝ እንዴ!?” ብሎ ሳይደነቅ አይቀርም። ለመሆኑ የህብረተሰቡ አስተሳሰብ ነው የተናወጠው? ወይስ የሰዎቻችንን አስተሳሰብ ነው የተናወጠው!? “ጉድ ሳይሰማ ሰኞም ላይመጣ እኮ ነው ጎበዝ!”

source:http://www.abetokichaw.com

Categories: Uncategorized
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: